(صوت المذيع صدى الزمن
ليلة السبت 18 رمضان 1393-14اكتوبر1973
الخلفية نشيد ••والشعب يرجوا الله نصر كاملا )
••
( هسيس ليل - تحركات _عربات – انفجارات بعيده – بحث مكتوم فى الارض – أقدام ميرى )
العقيد حسين :أيه ده يا عسكرى
الجندى محسن :خير يا أفندم
العقيد حسين :رابط النضارة بفلته يا كعبور
الجندى :الذراع أتكسر وما بشوفش من غيرها ومطلوي شغل عاجل
العقيد حسين :ورينى وش أهلك••الله محسن؟!
الجندى :الله أبيه حسين!!
العقيد حسين :أبيه يا مقاتل
الجندى :لا مؤاخذه يا أفندم من فرحتى
العقيد حسين :صدفه غريبه اتنين اخواتك قادة الوية وما يعرفوش مكانك!!
الجندى : ياأفندم من يوم ما أتجندت
وأنا باعد أمورى عنك وعن أبيه كمال
العقيد حسين : أبيه برضه
الجندى :أسف يا أفندم ••قصدى
سيادة العقيد كمال منصور قائد لواء المدفعية
العقيد حسين : رجولة ولا أوامر ماما
الجندى : خايفه من الحسد ثلاث أولاد فى الحرب مرةواحده ••العين فلقت الحجر
(ضحكات)
العقيد حسين :عارف أخوك فين ؟!
الجندى : اخويا ده تؤم سيادتك وقائد لواء ذى سيادتك ••مين فينا اللى يعرف أكثر ؟!
العقيد حسين : فى الحرب ما جاش فى سكتى هوه فين ••ربنا يسلمنا جميعا •يلا نصلى جماعة
الجندى :واحنا لابسين البيادة ؟!
الوضوء يأخذ وقت وأحنا بنفتح ثغرة الغام
لمرور لواء المشاه الميكانيكى ••
يتحرك الفجر ••ويقفل ممر متلا
العقيد حسين :عارف مين قائد اللواء ده
الجندى :لا يا أفندم
العقيد حسين :أخوك يا كعبور
يلا نتسحر وترجع لشغلك
••
( تحركات وقصف وانفجارات وأوامر )
جندى -العربية اللى جنبى أتحرقت
جندى 2 - هما أعلى الجبل وأحنا بنهاجم بشراسه
ضابط - كده خسايرنا تبقى كتيره
ضابط 2 - العقيد حسن لن يتوقف عن تنفيذ المهمه مهما حصل •هو عارف قيمة قفل ممر متلا؟!
ضابط : ننقل المعارك نص سيناء ونبهدلهم
ضابط 2 – ده أمل كل القادة
( أضرب عمر الذخيرة – خد ساتر يمين – أطلب الاسعاف لعربة 4 - انفجارات )
العقيد حسين - أحنا على مسافة كام من الممر
ضابط 2 - اربعه كيلو ونص يا أفندم
العقيد حسين - ومدى قذائفنا خمسة كيلوا
كده قفلناه
ضابط 2 - قفلنا أمه!!
العقيد حسين : وحققنا أكبر عمق متقدم فى الجبهة
ضابط 2:الحمد لله
العقيد حسين :أدى الاوامر بالتمركز وعمل سواتر وراحة وتشديد المراقبه والاستعداد لصد طيرانهم
ومش ها أسيبوه لهم لو اتجننوا
••
( غرفة قيادة الحرب -أصوات لاسلكى واشارات
واصوات مناقشات )
صوت : يا أفندم المخابرات بلغتنا أن شارون
وفرقته المدرعه على المحور الاوسط لسيناء
قائد العمليات - أتجاهه أيه؟
المخابرات - بيتنطط ومشغل أستطلاع الطيران ومخابراته بيدور على اى ثغرة ينفذ منها للغرب
ويعمل شو •• رجالتنا فكوا شفرة خلافاته مع قيادته وبيتحرك من دماغه
رئيس العمليات : مش جديد عليه أحنا دارسينه كويس ••كل قائد مصرى يدرس القائد المنافس ••
أثبتت كفاءة هايله فى الحرب
صوت :يا أفندم أحنا أجن منه
رئيس العمليات - المشكله فين؟!
صوت : اللواء المشاه الميكانيكى أتحرك وقفل ممر متلا
رئيس العمليات - عارف ده
صوت - أحدث فراغ فى الجبهه عرض 15 كم
لوالطيران او المخابرات الاسرائلية رصدوا وبلغوا شارون مش ها يتاخر ويعبر للسويس
وشو أسم معروف عالميا من قناة السويس
••
(أجتماع للقرار المناسب ( تحركات ومناقشات )
صوت – القرار السليم .••عودة لواء المشاه الميكانيكى لمواقعه ويقفل الفراغ
••
صوت تحويلة لاسلكى لاسلكى
العقيد حسين : الو قياده ••تم تنفيذ المهمه والتمركز وجاهزين لأى أوامر
صوت شوشرة
العقيد حسين :بتقول أيه ••أرجع ••لا طبعا!
صوت : الأوامر يا افندم
العقيد حسين : أقفل ممر متلا وبعدين أسيبه
لا يمكن ابدا•• (عليا الطلاق )ما راجع
صوت :دى حرب يا أفندم
العقيد حسين :حرب ••محاكمه عسكرية
مخالفة أوامر ••أنا دفعت الثمن خسائر رجالى وأسلحتى
••
صوت : يا أفندم العقيد حسن طول عمره منضبط وبحبوح ودمه خفيف ••أيه اللى جرى ؟!
ضابط 2 - ده قرار عمر ••أنت فاكرها شقاوه
يستغل الشبه بينه وبين توئمه فى مقالب مع الزملاء ••ده قرار العمر
ضابط :مخالفة الأوامر فى الحرب فيها ضرب بالنار
ضابط 2 - ربنا يستر ••
ضابط - غضبان لدرجة مش عارفيتن نهديه ونتناقش
ضابط 2 :طب وايه اللى جاب يمين الطلاق فى الحرب
ضابط - يحسم أنه لا يمكن يرجع
••
(غرفةالقيادة ••أصوات غضب وقلق )
صوت ضابط - الشاذلى والجمسى شايطين
ها يحاكموه ويبعتوا حسب النظم العسكرية رتبه اعلى يضربه بالنار ويرجع اللواء لمكانه
ضابط 3 -يا حبيبى ••أمه داعيه له
ضابط - طول عمرها
ضابط 3 -الرئيس السادات كان حاضر
ضحك لغاية ما كان ها يقع من على الكرسى
وبص لهم بهدوء وقال
شفتوا ولادى لا يمكن ينسحبوا ابدا!!
ضابد 2 : القائد الاعلى ••واصدر أمر للعميد مصطفى ••يروح يشرح له الموقف ويقنعه بالعوده
(اصوات انفجارات ورياح صحراوية وتمام )
العقيد حسين :تمام سيادة العميد ••علشان خاطر الرئيس السادات ••وانا أقتنعت بس لى شروط
العميد مصطفى - شروط أيه ••أحمد ربنا
أنه نجاك من الموت
أرجع بالليل ••لو الاسرائيليين عرفوا برجوعى
ها يضربونا وكمان المدفعية تعمل ستارة خلفنا تمنعهم من مهاجمتنا
رئيس العمليات - كلام منطقى ••قول له تمام
رئيس العمليات - أيه أفضل لواء مدفعية بالمنطقة ينفذ المهمة
ضابط - اللواء..... مدفعية
رئيس العمليات - بتاع توئمه
ضابط - الحرب يا أفندم وضباط اكفاء ما لهمش حل
رئيس العمليات - وعندهم فكرة بالموضوع
ضابط - لا
رئيس العمليات :سيبهم مش عارفين ••
وبعد نجاح المهمه يحلها حلال
أصوات مدفعية وأنفجارات وتحركات عربات وجنود
••
ضابط باسما - ها تعمل أيه أفندم فى يمين الطلاق ؟!
العقيد حسين : نرجع فيه ذى ما رجعنا نحمى موقعنا ضرورات( ضحكات شديدة )
••
(حلقة أذاعية)
